full screen background image

Westenburg Sekondere Skool maak geskiedenis

1094

Westenburg Sekondere Skool sal op 25 Mei hul 30ste verjaardag vier en die verjaardagvieringe het Maandagoggend afgeskop met n baie spesiale vlag-hysing.
Vir die eerste keer in die skool se geskie-denis het die skool se eie vlag aan die vlagpaal gewapper.

Die eer het hoofseun Lawrence Adams te beurt geval om die blou, geel en wit vlag, waarop die woorde; Verkry wysheid en verkry insig pronk, vir die eerste keer te hys.
Wat hierdie vlag veral spesiaal maak is dat die leerders betrokke was by die ontwerp daarvan. Die graad 12-raad se uitvoerende komitee het ontwerpvoorstelle van We Brand It ontvang, waarna hule hul gunsteling-ontwerp gekies het.
Waarnemende skoolhoof Jimmy Steele het aan Polokwane Observer gesê dat die vlaghysing n wonderlike oomblik vir die hele skool was.

Dit was nog altyd een van my drome vir die skool om n amptelike skoolvlag te hê. ‘n Skoovlag maak die leerders trots op hulle skool, het hy gesê.
n Voormalige leerder van Steele, Alet Bisset het die nuwe skoolvlag asook n Suid-Afrikaanse landsvlag aan Westenburg Sekondere Skool geskenk.
Die landsvlag is saam met die skoolvlag gehys.