Mariëtte van de Werken Die Polokwane tennisbane was van Saterdag tot Dins-dag ‘n miernes van bedrywighede toe rolstoeltennisspelers regoor die land saamgetrek het om in die Airports South Africa (ACSA) Limpopo tennis-ope mee te ding. Die 70 deelnemers, waarvan 20 uit Limpopo, het in mans-, vroue- en kwadrupleeg-afdelings deelgeneem en goeie wentelings is behaal. Kgothatso Montjane van Polokwane het skitterspel gelewer toe sy die damesafdeling gewen het deur Mable Mankgele met 6-1 en 6-0 te verslaan. In die mansafdeling het Nyasha Mharakurwa met 6-0 en 6-2 teen Sydwell Mathonsi koning gekraai en in die kwadrupleeg-afdeling is Lucas Sithole die wenner met 6-0 en 6-0 teen Steven Kekae.
