May 2009

Mariëtte van de Werken
Na ‘n maand se harde werk, tandekners en lang trane, het Laerskool Pietersburg-Noord op 20 Mei ‘n uitstekende kultuuraand, gekombineer met heerlike sop en sjerrie, aangebied.
Die program was propvol items van hoogstaande gehalte wat die juniorkoor onder leiding van me Grace Jacobs ingesluit het. Die soliste Jan en Dalee Curtin het saam met hulle opgetree.

Mariëtte van de Werken
Die graad R-leerders van verskillende skole is Vrydag bederf by die poppetee wat Laerskool Pietersburg-Oos gereël het. Dit is een van die skool se bemarkingsprojekte wat die jong dametjies beslis ‘n voorsmakie gegee het oor volgende jaar se verwagtinge van die groot skool. Hoëhakskoene, grimering en poppe in stootwaentjies was aan die orde van die dag.

Die netbalspelers is vir die Limpopo-span gekies wat van 5 tot 9 Julie in Johannesburg op nasionale vlak gaan deelneem. Voor is Jeandré Visser. Agter is Ramalau Letebele, me Soekie Joubert, (afrigter) en Morongoa Mothiba.

Yolande Nel
Die gewilde Nataniël-’brand’ is immers onvergelykbaar. As hy nie so eiesoortig was nie, sou dié bekende verhoogkunstenaar vergelyk kon word met ‘n versnit wat mettertyd goed verouder.
Dit is opnuut bewys toe hy Dinsdagaand ‘n vol saal getrek het tydens die Apiesdoringfees wat tans in Polokwane aan die gang is. Die gees agter die Kaalkop-produklyn is duidelik bestem om groot gehore te vermaak.